यो पीडा हामी सबै नेपाली दाजुभाई दिदीबहिनीहरुले भोगी रहेका छौं प्रस्तुतछ स्वदेशी दिदीले आफ्नो प्यारो भाईलाई लेखेको पत्र

भाई सुआर्शिवाद
आराम छु आरामी चाहन्छु ।
भाई धेरै दिनपछि पत्र लेख्दै छु । घरतिर आरामै छन । भाईहरुको हालखबर कस्तो छ - आजभोलि फोनको लाइन नहुनाले नेट चलाउन पाउदिन भाई, अफिसमा पनि निकै व्यस्त, विहानै सात आठ बजे देखि बेलुकी साथै रातमा पनि घरमा आएर काम गर्नु पर्ने बाध्यता छ ।
देशको स्थितीले गर्दा कामको लोड पनि बढेको छ । अर्को कुरा देशको खस्कदो स्थिती , बाहिरी देशको चलखेल ले गर्दा देशमा गृहयुद्ध होला जस्तो लाग्छ भाई ।
विडम्बना नै भनौ या अबुझ , विदेशी शक्तिको दवाबले गर्दा देशमा शान्ति आउदैन भाई । जसले देशको बागडोर लिए पनि यस्तै अशान्ति हुने हो । अब कहिले पनि देशमा शान्ति हुदैन यो चाही पक्का हो । देशमा जसले जितेपनि जसले हारेपनि विजय भयो भनेर खुशीयाली मनमा चाही पक्कै पनि हुदैन ।
बीरगंजमा पनि कर्फ लागेको छ । कर्फ नलगाएपनि के गर्नु - अफिसमा पनि बस्न गाहृो छ । मेल पठाउन, फोन गर्न पनि अलि अप्ठ्यारो छ भाई । चारैतिर नजर लगाउदै छ भन्ने हल्लाह छ । अब त नेपालमा बस्न पनि गाहृो छ भाई, चारैतिर आतंक छ , आतंक शिकार भोलि जो पनि हुन सक्छ । गाउंमा पनि त्यस्तै छ । अभिभावकको मृत्युपछि, धेरैजना बेघर भएका छन । युवतीहरु रेष्टुरेण्टमा काम गर्न बाध्य छन, युवाहरु अपराधतिर बढ्दैछन । धेरै युवाहरु विदेशिएका छन । मेरो भदा पनि फुपु मलाई बाहिर पर्ठाईदिनु भनेर बुटवलबाट आएका थिए । यस्तै छ नेपालका नेपालीहरुको कहानी । अब त कथा हुन्छ जस्तो लाग्छ भाई ।
दुःःख गरेर एक छाक खाई शान्तिको श्वास फर्ेन पनि गाहृो भैसक्यो । आज बीरगंजको ठाउ ठाउंमा बम राखेको रहेछ । हाल नगरपालिका र जिल्ल्ाा विकास समितिलाई टारगेट गरेको छ। अफिस भित्र धेरै नबस्नु दिदि भनेर सबै जनाले सुझाव दिने गरेको छ तर मलाई त्यस्तो केही डर लाग्दैन भाई , यति धेरै नेपालीहरु मरि सके म एक जना मरेर के हुने हो र - हैन र भाई -
जगंलवादी, सरकारवादी सबै घमण्डले शक्तिले मातेका सांडे भई सकेका छन । जनताको दुःख बुझ्ने कोही छैनन । दुवैले शक्ति पर््रदर्शन गरेका छन तिनीहरुको शक्तिले कसैले दुःख हर्ने वाला छैन भाई दुःख मात्र बढीरहेको छ । ल भाई दिदीको गनथन धेरै भयो । सब समाचार त भाईहरुले वेभ बाट नै हर्ेनु हुन्छ मैले केही भनि रहनु पर्देन ।
अरु के छ त्यतातिरको हालखबर - मैले त सून्दैछु , साउदीअरबको आरामको कम्पनीमा अब भारत सरकारको पनि लगानी हुने रे - भारतको समाचारमा देखाई रहेको थियो ।
अफिसको काम, घरको काम, बाहिर आतंक, फोनको गडबडीले गर्दा समय समयमा भाईहरुसंग मेलमार्फ दुःखसुःख बाड्न पनि अडचन आईरहेको छ । त्यही पनि भाई दिदीको सम्झना गर्दै गर्नु होला । नेपालमा आउनु भयो भने बीरगंजमा एक पल्ट घुम्न अवश्य आउनु होला ।
अरु दाजु भाईहरुको के छ हालखबर भाई - निकै कविता , लेखेको थिए भाई अफिसको हार्डडिस्क उड्यो , सब खतम । अब चाही सिडीमा राख्ने गरेको छु । चाडै नै कविताहरु लेखी पठाउने छु ।

हवस भाई अहिलेलाई यति बांकी अर्का
मेलमा

ा श्री पशुपतिनाथले सदा कल्याण गरुन

सदा भलो चाहने दिदी
माया।